20/08/2008
نااااااااااااااااااااااااااااااااااااااااااااااااااااااااار
تضاربت التصريحات طول اليوم أمبارح
وتوصلت لعدة مهازل منها:
- لم يتمكن رجال الإطفاء من الحصول على خرائط للمباني المشتعلة
- تسببت المياه الملقاة من الطائرات في تصدع المبنى المفروض إنقاذه
- الموظفين الذي تصادف وجودهم في مكاتبهم وقت الحريق لم يتم إنقاذهم وإخلاء المبنى المحترق منهم بل على العكس تم التحفظ عليهم في أحد الأماكن البعيدة نسبياً عن ألسنة النيران لكن داخل حزام الخطر والدخان بدعوى أهمية التحقيق معهم وكأنه من المستحيل الوصول لهم مرة ثانية في حال عودتهم لمنازلهم أو حتى أحتجازهم في أي قسم شرطة قريب من المكان وهي كثيرة مثل قسم قصر النيل قسم عابدين نقطة شرطة التحرير مبنى أمن الدولة شخصياً وزارة الداخلية البحث الجنائي وقد أصيب العديد منهم بحالات أختناق نقلوا على أثرها إلى مستشفيات مجهولة
- أكد أحد صغار الموظفين اللذين تم أحتجازهم داخل جزء شبه أمن من المبنى المحترق
- أكد في مكالمة هاتفية رفض في بدايتها أن يتم ذكر اسمه
- أن الحريق بدأ من الغرفة التي أستقبلت أوراق لجنة تقصي الحقائق عن حادث العبارة
عندي تسجيلات مع جمال حنفي وأحمد عز لسة مش عارف أرفعها
15:31 Posted in الدفتر | Permalink | Comments (0) | Email this
19/08/2008
وما زال القرع مستمر
http://www.ndp.org.eg/ar/News/ViewNewsDetails.aspx?NewsID...
ده لينك موقع الحزب الوطني بص شوف القرعبيقول إيه
20:45 Posted in الدفتر | Permalink | Comments (0) | Email this
حريقة في البار لمان المذيد من مقاطع الفيديو
أنا نازل أصور وأتابع واحاول أجيب المزيد من المعلومات
وأسف على سؤ الصورة بس انا بأصور من على الموبايل
20:28 Posted in الدفتر | Permalink | Comments (0) | Email this
حريقة في البار لمان المذيد منالفيديو
20:20 Posted in الدفتر | Permalink | Comments (0) | Email this
المزيد من مقاطعالفيديو
20:15 Posted in الدفتر | Permalink | Comments (0) | Email this
حريقة في البار لمان المحاولة نجحت وأدي عدد 3مقطع
أخر الأخبار على مسؤلية الجزيرة
مبنى مجلس الشورى أنتهى ومعه مبنى وزارة الري القديمة
20:08 Posted in الدفتر | Permalink | Comments (0) | Email this
حريقة في البار لمان محاولة لنشر الفيديو
دي معركة مع واحد من صحفيين المصري اليوم اللي حاول يصور الأحداث
19:50 Posted in الدفتر | Permalink | Comments (0) | Email this
حريقة في البار لمان
لا أخفيكم سراً أن قوات الأطفاء بما فيها القوات التابعة للجيش تستخدم المياه في مكافحة الحريق
رغم تأكيدهم في الوقت ذاته كون سبب الحريق هو الماس الكهربائي
وصلي على اللي يعجب سيادتك
19:25 Posted in الدفتر | Permalink | Comments (0) | Email this
حريقة في البار لمان
تشهد منطقة القصر العيني الآن تكدس من عربيات المطافي والإسعاف والرُتب الكبيرة والمتوسطة والصغيرة ناهيك طبعاً عن العساكر الفرط
بسبب حريق كبير جداً في مجمع مباني مجلسي الشعب والشورى
وطبعاً الأمن يتعامل مع الجماهير بعنف من باب الأحتياط
وقد تم ضرب وسحل صحفي بالمصري اليوم من قبل بعض العساكروتكسير الكارنيه الذي يثبت شخصيته وعمله
ثم أعتذر له أحد العمداء -وهُم اليوم كُثر- متحججاً بكونهمعساكر لايفقهون شيء
ولم يتم الافصاح حتى الآن عن أي بيانات ولكن عربات الأسعاف الكثيرة جداً تؤكد وجود مصابين
ووصول طائرات الهليكوبتر الآن تؤكد أن الموضوع كبير
ياترى ده الطور الطبيعي للأهمال ولا أرواح ضحايا مسرح بني سويف بتحاول ترد على قاتليها
ولا التقال في أمان والضحايا حفنة من المجندين والموظفين صغار الفاسدين
هأحاول أحمل صور وفيديو وأنزل أصور وأتابع تاني
وصرح حالاً جمال زهران
رئيس كتلة المستقلين بمجلس الشعب
أن الحريق ممتد من مجلس الشورى إلى مجلس الشعب
وأن هناك 6 مصابين - رغم وجود أكتر من 60 عربية اسعاف- وأن المبنى
المحترق في مجلس الشعب يضم مكاتب 21لجنة من لجان المجلس
العلاقات الخارجية والأمن القومي وحقوق الإنسان والزراعة
18:40 Posted in الدفتر | Permalink | Comments (0) | Email this
حريقة في البار لمان
تشهد منطقة القصر العيني الآن تكدس من عربيات المطافي والإسعاف والرُتب الكبيرة والمتوسطة والصغيرة ناهيك طبعاً عن العساكر الفرط
بسبب حريق كبير جداً في مجمع مباني مجلسي الشعب والشورى
وطبعاً الأمن يتعامل مع الجماهير بعنف من باب الأحتياط
وقد تم ضرب وسحل صحفي بالمصري اليوم من قبل بعض العساكروتكسير الكارنيه الذي يثبت شخصيته وعمله
ثم أعتذر له أحد العمداء -وهُم اليوم كُثر- متحججاً بكونهمعساكر لايفقهون شيء
ولم يتم الافصاح حتى الآن عن أي بيانات ولكن عربات الأسعاف الكثيرة جداً تؤكد وجود مصابين
ووصول طائرات الهليكوبتر الآن تؤكد أن الموضوع كبير
ياترى ده الطور الطبيعي للأهمال ولا أرواح ضحايا مسرح بني سويف بتحاول ترد على قاتليها
ولا التقال في أمان والضحايا حفنة من المجندين والموظفين صغار الفاسدين
هأحاول أحمل صور وفيديو وأنزل أصور وأتابع تاني
18:37 Posted in الدفتر | Permalink | Comments (0) | Email this
29/06/2008
الاعتذار لغير الله مذلة
المجد للشيطان معبود الرياح
من قال لا في وجه من قالوا نعم
من علم الإنسان تمزيق العدم
من قال: لا
لم يمت
وظل روحاً أبدية
عبقرية الآلم
(أمل دنقل)
..أما بعد
أرسل السيد أمير صلاح الدين رسالة لكل المشاركين فى جروب بلاك تيما ـ يعتذر فيها عما قلته انا والشاعر ضياء رحمانى من قصائد
كما اعتذر عن سلوك نسبة من الجمهور ، يقول أمير: انهم كانوا يشربون الخمور والمخدرات اثناء الحفل
اذهلتنى الرسالة دى بشدة ، خصوصا توقيت ارسالها -حوالى اربعة صباحاً- كمان اذهلتنى فكرة
اعتذار اى شخص فى العالم عن ما لم يفعله
فالقصائد لها اصحابها ، و قرأوها امام الناس بانفسهم
وتجاوزات الجمهور وان حدثت ، فهى مسئولية الجهة المنظمة للحفل
بعد تجاوزى لحالة الذهول قدرت مدى وجوب الرد على ما اثير
اولا الشعر :طبعا اولا
القيت فى الحفل عدد اتنين قصيدة نثر عامية فيهم تضمينات قرآنية
النص الأول بعنوان : جدى ضمنته اية قرآنية كما هى فى المصحف و وضعتها على اساس كونها اية قرآنية
النص الثاني بعنوان سورة الثورة - القيته بناء على رغبة عدة افراد من الحضور - يتضمن
العديد من الالفاظ القرانية دون التقيد بنص الاية
وانما فقط استخدام الكلمات وما تحمله من مردود تاريخى
والحالتين للاسف لست مستحدثهم
انما هى طريقة كتابة منذ عصر صدر الاسلام
العجيب ان القصيدتين لا يتعرض مضمونهما من قريب او بعيد
للذات الالهية التى يدافع عنها امير بن صلاح الدين
القصيدة الاولى - اذا جاز التعبير - اجتماعية
والثانية ذات طابع سياسى
عزيزى امير بن صلاح الدين
( حر فى استايلات هدومى .. وف ديانتى و وقت نومى )
( انا شيخ فلتان )
( حر انى اسهر بكيفى .. انى اختار نوع وليفى )
سمعتك بتغنى الكلام ده وبعدين قريت اعتذارك الغير مبرر
فبقيت مش عارف
هو انت مش فاهم اللى انت بتغنيه ؟!؟!؟
ولا مافهمتش الشعر اللى قولته فى الحفلة ؟!؟!؟!؟
ولا قررت تزايد علينا و برضه مافهمتش تعمل ده امتى وازاى ؟؟!!؟؟!
ثانيا : انتقاد الجمهور :
برضه مقدرتش افهم اعتذار امير عن مشاكل تنظيمية فى الحفلة
وكمان لو المنظمين شافوا شغلهم كان العدد ده من الجمهور ح يطلع برة المكان
يعمل اللى هو عايزه ويرجع يحضر الحفلة
يبقى هل امير بيعتذر نيابة عن منظمى الحفل
ولا هو ضد تعاطى المواد المخدرة اصلا ؟
وده غريب جدا
لانه سمعته بيغنى ضد خلط الحشيش بالكيميا !! فى اغنية بلاك تيما
كمان هو بيتعامل - فى الشغل - مع العديد من الفنانين والشعراء
من متعاطى هذه المواد وانا احدهم
فى النهاية و بشكل عام
مش قادر احدد - ولغاية دلوقتى - هل امير
بيغازل رقيب ما لا يعرفه غيره ؟!؟!
مش فاهم الكلام اللى بيغنيه ؟!؟!؟!؟
مش فاهم الشعر اللى سمعه ؟!؟!؟!؟
بيتعلم المزايدة جديد ومش عارف يستخدمها ؟!؟!؟!؟
حصلت عليه ضغوط من ادارة الساقية ؟!؟!؟!
وان كنت استبعد الاحتمال الاخير
لانى القيت النصين فى الساقية اكتر من مرة
ومن ضمنهم حفلة لفريق هوجة للموسيقي الشاب عمرو جاهين
وتم تصوير هذا الجزء من قبل التليفزيون المصري
كما أعيد إذاعة هذا الجزء تحديداً عدة مرات لفترة طويلة على قناة النيل الثقافية
في النهاية عندي سؤال هام جداً بالنسبة لي وفي انتظار الإجابة
بأي صفة قدم أمير بن صلاح الدين الاعتذار؟؟؟
هل بشخصه أم بصفته لسان الفريق ككل؟!؟!؟!؟!
21:10 Posted in الدفتر | Permalink | Comments (12) | Email this
05/06/2008
بيان عام وهام وعاجل
نحن مجموعة من شباب مصر أقباط كنا أو مسلمين
لا يهمنا أو يعنينا بما يدين الاخر
ولكننا نؤمن إيماناً لا رجعة فيه بأن كل إنسان من حقه
أن يعتقد ما يشاء وكيفما يشاء
لذا نعلن رفضنا ما حدث فى مصر فى الفترة الأخيرة
من أحداث مؤسفة كانت جميعها موجهة
. ضد أقباط مصر وهم جزء لا يتجزء من تكوينها
لكن مروراً بما حدث فى القاهرة من قتل أربعة من الأخوة المسيحيين
وإصرار وزارة الداخلية المصرية على تعتيم الأخبار
والمعلومات حول ملابسات الحادث
مما يساعد على الإحتقان ورفع حالة التأهب لدى الجميع
ومما ساعد أيضاً على كثرة تداول الشائعات
ولو توقفنا فى محطة الإسكندرية وما حدث هناك أيضاً
ولنقف كثيراً أمام ماحدث بدير أبو فانا بالمنيا
وإسقاطات المحافظ التى لا تغتفر
وزيادة رفض الدولة بإستمرار أن توضح
للرأى العام من هم الجناة الحقيقيون
ومن هو الذى يحصل على المكاسب من وراء
مثل هذه الأفعال المشينة التى لا تمت للإسلام بصلة
ومن جديد نؤكد على الدور المتخازل
من قبل وزارة الداخلية وخاصة جهاز أمن الدولة
الذى يتعامل فى مثل هذه القضايا بمبدأ العصا والجزرة
لذا نرى أنه من حقنا كأبناء هذا الوطن
ونخشى عليه من عواقب مثل هذه الأفعال
أن نعلن رفضنا لكافة أشكال التمييز الديني والإضطهاد
سواء على أساس الدين أو اللون أو العرق لأي فرد على أرض مصر
وننأى بمثقفي الأمة من السقوط في بئر الحياة المزدحمة
وعدم الإنتباه إلى ما نحن مقدمون عليه
لذا فقد قررنا أننا سوف نعلن كل مطالبنا هذه
على النظام المصري بل على العالم كله
من خلال القنوات الشرعية والتي تتمثل في
الإعلام المرئي والمقروء والمسموع ومن خلال شبكة الإنترنت أيضاً
.لنقول جميعاً أن مصر لكل المصريين دون النظر إلى أي شيء أخر
وسوف نعلن هذا من خلال تظاهرة سلمية
والتى قد كفلتها المواثيق الدولية لحقوق الإنسان التى قد وقعت عليها مصر
فصارت جزاً لا يتجزاء من قوانينها وتشريعتها .
:ونحن لا نرغب في شيء أكثر من تفعيل المادة (40) من الدستور المصري
والتي تنص على
المواطنون لدى القانون سواء
وهم متساون في الحقوق والواجبات العامة
لا تمييز بينهم في ذلك بسبب الجنس أو الأصل
أو اللغة أو الدين أو العقيدة
لذا فإننا قد عقنا العزم على أن يكون
يوم الإثنين الموافق 9/6/2008 هو يوم المواطنة
حيث أننا سوف نتظاهر أمام كنيسة السيدة العذراء
بشارع طومان باي - الزيتون
وذلك في تمام الساعة السابعة مساءً بتوقيت القاهرة
: شعارتنا لهذا اليوم
أذكر ربك مجد سيدك هو مصيري نفس مصيرك
جورج ومايكل دول مين ؟ إحنا وهما المصريين
المواطنة هى الحل ضد الظلم وضد الجهل
بالقرآن ويا الإنجيل مصر بلدنا مش للغير
فاطمة وماري عمرو وماريو كله يا بلدي واحد برضه
شبرا شبرا مش عويصة يعني الجامع جنب كنيسة
مرقص صايم في رمضان لجل ما يفطر مع شعبان
حط سبيل المايه ف شارع يشرب منه ماريو وطايع
جورج وعبده قالوا كفاية إحنا وهما كنا ضحايا
اللي ضربنا ف دير ياسين عمره ما فرق بين الدين
إللى بيقتل مسيحيين بكره هيقتل مسلميين
هو مبارك ساكت ليه هو مشفش الموت بعنيه
يا زكريا يا صمويل هما زرعوا بينا فتيل
الصليب مرفوع لفوق زي المادنة ما بصه لفوق
حط عقيدتك ويا عقيدتى إنتا المسلم وأنا القبطي
وهكذا يكون الإحتجاج
نرتدي جميعاً الملابس السوداء ويمسك كلاً منا شمعة ونردد سوياً
مصر لكل المصريين هو هدفنا ليوم الدين
للمزيد من المعلومات والإستفسارات يرجى الإتصال على
0182993820- 0103654294
أو عبرالبريد الإليكترونى
abrabr5@yahoo.com
--------------------------------------------------------------------
إحنا مش ضد الصليب .....إحنا مش ضد الهلال
إحنا ضد إللى بيقتل .....فينا إحساس الجمال
من ديوان 30 أبريل للشاعر / رامى يحيى
ما فوق السطور هو البيان لكننا ف انتظار أي حد يرغب في الإنضمام للجنة النظام
وعلى أي حد يقرا الرسالة دي إنه يساعد على نشرها في كل مكان
وإنه يقول لكل الناس إنها لازم تحضر وتشارك لازم نكون كلنا هناك
16:10 Posted in الدفتر | Permalink | Comments (0) | Email this
01/04/2008
ومازال النفخ مستمر
قررت القوى الوطنية ان يكون يوم 6ابريل اضراب عام
شارك ولو برسالة
ده نص الرسالة التليفونية اللي وصلت لي من عدة ايام
ثم اندهشت جداً لما سمعت أم صلاح بتتفق مع شفشخة على عدم الذهاب للسوق هذا اليوم
واستبشرت خير بقرار البعض باعتبار اليوم اجازة وطنية
فقررت الاشتراك انا ايضاً بعد طول يأس
وسأتوقف عن شراء أي شيء طوال يوم 6ابريل
وإن كنت سأطوف في الشوارع حاملاً بلونتي راجع موضوع احنا أتنفخنا
وكمان هأفرق على الناس المهتمة بلالين
ياريت ننشر الدعوة
واللي عايز بالونة يقابلني في ميدان التحرير الساعة 2ظهراً
17:40 Posted in الدفتر | Permalink | Comments (4) | Email this
05/09/2007
التركة المباركة.. والفرحة المؤقتة
.. بصوا يا جدعان
.. كلنا عارفين إن أعمار الحكام بيد الله
.. والقوات المسلحة
..والشعوب
وبما إن شعبنا في أجازة جذرية
والقوات المسلحة موالية للسيد الحاكم
فـ مافيش قدامنا غير يد الله.. أو بمُسمى طبيعي عوامل التعرية
وبما إن شائعات كتير بتقول أن معدل النحر الزمني وصل للنخاع الشوكي
مما ترتب عليه رفع شعار أرخي الجفون يا متولي
.ثم أختفاء الجثة نفسها لعدة أيام -تقريباً على الشاحن-في ظروف غامضة
لكل الظروف اللي فاتت وحفاظاً على سلامة الوطن من النزاع على التركة
أرجو من السادة الزائرين والمهتمين بأمر البلاد المشاركة في جرد التركة
وده بكتابة كل الأماكن والمنشئات والمشاريع والمراكز والمبادرات.... إلخ
التي تحمل اسم السيد صاحب التركة.. وكذلك التي تحمل اسم حرمه المصون
حتى لا يحدث تدخل في الممتلكات يترتب عليه خطأ في توزيع التركة
..أرجو الأهتمام لآن الناس الأكابر عندهم عادة غريبة علينا
يمكن قريبة شوية من سلو الصعايدة
فـ الصعايدة مثلاً ما ينصبوش العزاء إلا بعد الأخذ بالتار
والأكابر ما ينصبوش العزاء إلا بعد تقسيم التركة تماماً
..وإحنا بصراحة عاوزين نخلص
وكله عشان مصر
16:50 Posted in الدفتر | Permalink | Comments (1) | Email this
27/03/2007
..لو لم أكن مصرياً
الله يرحم مصطفى كامل
المناضل القديم مؤسس الحزب الوطني
بتاع لو لم اكن مصرياً
لو عاش ليوم 26 مارس2007
وشاف أتوبيسات المصالح الحكومية
وهي بتنقل الموظفين من مكاتبهم للجان الأنتخاب
للتصويت بالعافية على تعديلات الدستور من سيء إلى اسؤ
وشاف جنود الامن المركزي في مصر
بيطاردو أي مواطن يعلن مقاطعته لتمثيلية الأستفتاء
ومحاصرة مقار الأحزاب المعارضة
رغم أنها أحزاب اليفة أصلاً ومتعاونة أحياناً
لو شاف شباب مصر وهمة بيتخطفوا من الشارع في عز الضهر
ويترموا في الصحرا عشان يتربوا ويبطلوا يعترضوا على أي حاجة تاني في حياتهم
لو مصطفى كامل شاف كل ده بيحصل في مصر
في نفس اليوم اللي بيسلم فيه ولد فال قائد الانقلاب العسكري المروتاني
السلطة طواعية إلى الرئيس المنتخب من قبل الشعب المروتاني
في انتخابات لم يرشح فيها ولد فال نفسه
في سابقة هي الأولى من نوعها في الشرق الاوسط
..وقبل أن يترك ولد فال منصبه
مرر قانون جديد وبموافقة المجلس العسكري
يعطي أمتيازات توازي الوزراء لقائد المعارضة
لأنه حصل على نسبة من أصوات الشعب
في مبادرة اعتقد انها عالمية
أكيد لو عم مصطفى كامل حضر اليوم ده
كان عدل مقولته التاريخية وخلاها
لو لم اكن مصرياً لوددت أن أكن موريتانياً
وسلم لي ع الريادة
17:45 Posted in الدفتر | Permalink | Comments (4) | Email this
26/03/2007
الأست فتاء
اليوم هو يوم الأست فتاء
وهو يوم دعوة2للمليطة تحت عنوان أحنا أتنفخنا
ودي صور ليا اثناء ممارستي للمليطة في الطريق العام
16:30 Posted in الدفتر | Permalink | Comments (2) | Email this
25/03/2007
دعوة 2 للمليطة
بمناسبة كتب كتاب الوطن قررت انا صاحب الدفتر صعلوك
ومسؤل العلاقات الخارجية والداخلية والمهلبية لتجمع احنا اتفشخنا المعارض
أن أدعو أهل هذا الوطن في المشاركة في حالة مليطة أحتفالاً بكتب كتب وطننا العزيز
وليكن تاريخ هذه الحالة من المليطة
هو نفس يوم الأستفتاء على الدستور
يوم 26/3/2007 يعني بُكره
وليكن اسم اليوم ده أحنا اتنفخنا
وكل المطلوب في اليوم ده اللي اتمنى أن يشارك فيه عدد كبير من الناس المنفوخة
المطلوب ان كل إنسان يمارس يومه بمنتهى الطبيعية
بس الأختلاف الوحيد أنه يعبر عن مدى ما وقع عليه من نفخ من هذه الشلة الحاكمة
مش بالهتاف او التظاهر او اي وسيلة مواجهة مباشرة مع كائنات الأمن المركزي
أنما بأن كل شخص يشيل معاه عدد من البلالين المنفوخة بالطبع
وعلى قد ما سيادتك منفوخ أنفخ بلالين أمشي بيها في الشارع وبدون أي دوشة غير فرقعة البلالين
خلي العالم كله يعرف قد ايه احنا أتنفخنا
وأبقي خلي كائنات الامن المركزي يبدلوا العصيان والقنابل المسيلة للدموع... بالدبابيس
15:05 Posted in الدفتر | Permalink | Comments (2) | Email this
20/03/2007
مبروك يا شعب...كتبوا كتاب الوطن
أعلنت الحكومة أن يوم 4/4 القادم سوف يتم فيه الاستفتاء على التعديلات الدستورية
قلت مش معقول مناسبة زي دي تعدي من غير ما اكتب موضوع عليها في الدفتر
بس انشغلت النص الاولاني من مارس في الاعياد الحريمي
يوم المراة المصرية واليوم العالمي للمراة وعيد الام
أصلي باحب اشوف أمبراطورية ميم والاتحاد النسائي
والافلام المناسباتية اللي بالك فيها
وقبل حتى ما نوصل لعيد الماما فاجئتني الحكومة أن الاستفتاء أتغير ميعاده
وبقى 26/3 ...يعني كمان اسبوع
يعني الحكومة عدلت الدستور قبل ما أنا أكتب ورقة في الدفتر بتاعي
..مجلسي الشعب والشورى أتناقشوا في الدستور وأتفقوا وخلصوا الموضوع
قبل ما انا أكتب صفحة على الورق
كتاب الوطن اتكتب قبل ما ورقتي تخلص
..فقلت لازم أكتب بسرعة
أعتذر للوطن ولكل شخص بيقرا الدفتر
عن عدم حضوري المناسبة العظيمة دي
وأعرف أي حد في الكوكب العجيب ده
...أنه يوم كتب كتاب الوطن
الشعب ماحضرشي
16:50 Posted in الدفتر | Permalink | Comments (0) | Email this
13/02/2007
ومن الـ.... ما فضح
أولاً وقبل أي حوار أسف على التأخير في كتابة الموضوع ده بس البنكنوت بقى الله يحرقه
..... المهم
للمرة التانية يخاطب نادي النوبة العام الرئيس مبارك باسم كل النوبيين
راجع موضوع مش كل اللي بتهز وسطها بتتنقط
رغم أن عضويته بالكامل لا تصل لتعداد قرية واحدة من قرى النوبة البالغ عددها 44 قرية
ناهيك عن حوالي 75% من أعضائه عضويتهم ورقية
يعني مجرد اسامي في الدفاتر ومايعرفوش ميدان التحرير فين
المهم.. نشرت إدارة النادي الموقرة -من كام شهر-شكر للسيد الرئيس
في الصفحة الاولى من جريدة المساء
في شكل متعارف عليه انه بيكون إعلان مدفوع الاجر
....الكوميدي في الموضوع
إن الإعلان كان رد على تصريح الرئيس بأعطاء الاولوية في تملك أراضي النوبة
ويالا الكرم العجيب... للنوبيين
طيب بلاش اقول أحا عشان القراء الأخلاقيين مايزعلوش
تعالوا نقول كلام تاني أكثر تأدباً وتوضيحاً
أولاً: ده مجرد تصريح
والمعروف في مصر المنحوسة وخصوصاً في الربع قرن المنصرم
أن المسافة بين الوعد والتنفيذ = المسافة من بكين إلى واشنطن مضروبه في 52
ثانياً: أعتقد ان هناك فرق كبير
..بين الوعد بإعطاء الاولوية في تمليك الاراضي
وبين أصدار قرار ببدأ المشروع القومي لإعادة توطين النوبيين في اراضيهم
ويبقى المشروع تحت رعاية السيدة الفاضلة سوزان مبارك
وفلوس الفاو تطلع وكلها ترزق.. مافيش مانع... قشطة يعني
يأخي أعتبرونا أطفال أو نسوان أو حتى درن أو حتى ساوونا بختان الإناث
ولا لازم أطلع في التلفزيون اقول انا اقرع وأسود ومتهجر وعاوز جنيه؟
ثالثاً: يا سيادة إدارة النادي المبجلة
على فرض ان ليكم الحق في الكلام باسم كل ابناء النوبة وتوجيه الشكر نيابة عننا
كان من باب اولى أشكروا الناس اللي اثارت القضية
وجريوا في كل مكان قدروا يوصلوا له لغاية ما بدءوا يحرجوا الشلة الحاكمة
وخلوها تاخد رد الفعل البسيط ده
الناس اللي أتُهموا بعدم الولاء لوطنهم عشان بيدافعوا عن حقوقنا كلنا
واحد زي حجاج ادول اللي دار يصرخ ويفضح النظام في كل منبر يقدر يوصل له
في مغامرة بكل تاريخه ومكاسبه الشخصية المحدودة
وبنوتة جريئة زي سمر نور اللي غامرة هي كمان بس بمستقبلها
لما نشرت فضيحة المليار وال350مليون بتوع الفاو المخصصين لإعادة توطين النوبيين وإعمار النوبة
وأكيد في ناس تانية أنا ما اعرفهاش شقيت وخاطرت في سبيل حقوقنا المهدورة عمداً
ده حتى ماهر حبوب -مع أحترامي الفائق ليه- اللي ما اعرفش عن دوره غير نشره للأحداث والمقالات... الخ إلى اكبر عدد ممكن من الناس
أولى بالشكر ألف مرة من مبارك اللي اصدر وعد هزيل يقدر يتراجع عنه زي وعوده الكتير
لكل الشعب المصري بدون مايكلف نفسه عناء الأعتذار او حتى التبرير
وسلم لي على الأنتخابات والحزب الوطني وعرايس الماريونت وأكلي الفتافيت
19:45 Posted in الدفتر | Permalink | Comments (2) | Email this
20/11/2006
دعوة للمليطة 1
تجمع أحنا أتفشخنا يوجه دعوة للمليطة
دعوة لكل عاطل أو أب مش قادر يوفر قوت اسرته اليومي
لكل أم قربت تسلق لعيالها زلط
خدوا بالكم الدعوة دي مختلفة.. لأنها مش للتظاهر أو الأعتصام أو حتى الإضراب
إنما هي دعوة لممارسة يومكم عادي جداً
يعني اللي رايح يقعد على القهوة يروح
واللي نازلة تزور خالتها وقت العذا عشان تضمن وجبة ليها ولعيالها تروح
واللي بيفرك على جوان ينسيه عجزه يفرك
..المهم أن كل شخص فينا وهو بيقضي يومه عادي جداً
وفي أي مشوار ينزل فيه الشارع ياخد معاه طبق فاضي ومعلقة
يخبطهم في بعض طول ماهو ماشي
فـ تبقى الست الست وهي بتزور خالتها واضحة وصريحة
.واللي عايز يتكيف يلاقي حاجة يلف فيها
عايزين نتفق سوا على اليوم ده وأيه الاشكال التانية اللي ممكن نعملها
أمتى يكون اليوم ده بالظبط، وأيه الاسامي المقترحة لليوم
زي ثورة المواعين أو أغرف لي لو سمحت
أقترحوا وأتفقوا ويلا ننزل الشوارع بأطباقنا الفاضية / المهجورة
:ملحوظة
ماحدش يتحرك في تجمعات أو يهتف
مش عايزين ندي للعسكر أي فرصة يحتكوا بينا
أمشوا عادي جداً.. أعملوا كل حاجة طبيعي خالص
.الحاجة الوحيدة المختلفة هي التخبيط بالمواعين
01:05 Posted in الدفتر | Permalink | Comments (9) | Email this
15/10/2006
رمضان بيحب أيه ؟
الشخص فـ رمضان بيروح شغله متأخر زيادة عن مستوى التأخير المعتاد
:ولو سالته
أيه سبب التأخير ده ؟*
يرد بضحكة غير مكتملة تؤكد إن الانسان اصله نطع
دِهاهاها.. رمضان بيحب السهر#
وقبل ميعاد الانصراف بكتير تلاقيه مروح.. فتساله تاني
رايح فين يا مولانا ؟*
فـ يرد عليك ببديهي تحرق الدم
لازم الحق أروح أفطر في البيت#
ياعم كُل في أي مكان.. عادي يعني*
يبصلك كأنه شايف فيل أزرق متعدد الزلاليم وهو بيقول
دِهاهاها.. رمضان بيحب اللمة#
أما عن الفترة بين الحضور المتأخر والزوغان المبكر
تلاقي الشخص من دول مسنكر سحنته
أو دافس الكبينة فـ مصحف صغيرأو كتيب للأذكار
يأما يقعد مفخد وفاتح الهويس للكوكب كله
يا استاذ قوم اتحرك.. ورانا مصالح*
يبصلك بإذدراء شديد بعدين يقوم يجرجر رجليه وهو بيقول في دماغه
يا بضاااااااااان.. احنا فـ رمضان يا جدع#
ورمضان بيحب الانتخة.. دِهاهاها
ده ملخص سريع ليوم العمل في شهر رمضان المبارك اعاده الله عليكم بالبمب والسهرات
22:24 Posted in الدفتر | Permalink | Comments (0) | Email this
31/08/2006
أبن الشهيد
الدنيا قامت وما قعدتش حين لاح في الأفق
ـ حلوة ( لا ح في الأفق ) دي ـ
شبح توريث كرسي الرئاسة لجمال مبارك
وكأن الراجل (مبارك الأب) أخترع حاجة جديدة
. أو فكر في الإقدام على ذنب لم يقترفه بشر
...إيه رأيكوا نهدى كده شوية
وكل اللي ليه نبي يصلي عليه
بعدين نبص للموضوع ده بموضوعية أكتر
...........................
...........................
خلاص هديتوا وبطلتوا تمتمة
. إسمعوني بقى يا ريت
إحنا في زمن ـ ع الأقل فـ بلدنا ـ
بتتورث فيه كل حاجة
الفقر، المرض، السلطة، المهن، الغنى،.....ألخ
. ماعدش فيه حاجة ما بتتورثش
.وتعالوا نركز على موضوع المهن تحديداً
إللي أبوه عنده دكانه بينزل يشتغل معاه فيها
أي كان نوع المهنة وعلاقتها بمؤهلاته أو مواهبه
يكفي أنه ابن المعلم يبقى لازم يتعلم الشغلانة
ويبقى هو كمان معلم
والموضوع ده مش محتاج أمثلة بصوا
.حواليكم فـ كل حته وشوفوا كويس
..ابن البقال بيقف فـ المحل مع أبوه
فـ نقول جدع بيريح أبوه
ابن البواب بيطلب منه سكان العمارة يجيب اللبن
أو ينزل الشنط من ع العربية وهمة راجعين مـ المصيف
..ابن المكوجي بيوصل الهدوم
وبنت الشرموطة بتتفرش
الفنانين (تمثيل / إخراج / تأليف) عيالهم فنانين
.والأمثلة أكتر مـ الهم ع الشاشة
الأدب، الصحافة، الرياضة
الشرطة، الجيش، الإعلام،.....ألخ
.. ده حتى المناضليبن الكبار
عيالهم كوادر مهمة فـ المعارضة
. والمناضلين العادة (ملح الحركة) عيالهم هتيفة
.. واسألوا كشف الهيئة في الكليات العسكرية
وقاعدة الأمان في الأحزاب السرية
والنبي تركزوا شوية مع يفط المكاتب
محامين/ أطباء/ مهندسين
هـ تلاقوا إن مافيش أي عناء في
اكتشاف نظام الأُسر الفرعوني العتيد من جديد
. ده في عيله كلها دكاتره وكلهم نفس التخصص
إبن المزيكاتي مزيكاتي وابن المغني كروان
.. ده حتى الأنبيا والرسل
.كلهم – تقريباً – من نفس العيلة
كل حاجة فـ بلدنا بتتورث وكُل الأجزاء = الكُل
إزاي نعترض على مبارك لما يورث البلد لأبنه
وفـ نفس الوقت كل اللي طال حتة منها بيورثها
إزاي نرفض توريث وظيفة .. ونقبل توريث موهبة
... إزاي نرفض ابن مبارك رئيس
ونشيل شنطنا لابن البواب
إزاي نرفض ابن مبارك يحكمنا بلوي دراع الدستور...
واحنا بننيك بنت الشرموطة عافية
إزاي نرفض ابن الرئيس .. ونقبل ابن المعلم
... إزاي نرفض الرئيس ابن الرئيس
ونقبل المذيعة بنت المذيعة
ابن مبارك هـ يحكم .. ولو حب ابنه ابنه يُحكم هـ يُحكم
وهـ يفضل فينا ابن القائد قائد
طول ما ابن الشهيد ميت
15:30 Posted in الدفتر | Permalink | Comments (5) | Email this
23/07/2006
مصر هي أمك
دي بقى بالنسبة ليا شتومة
لأن أمي مش وسخة .. ولا بتتورث ..
ولا أتأممت .. ولا أتباعت ..
ولا أتفتحت - ولامؤاخذة - ع البحري
كمان لو حاول أي شخص يتعرض لها ..
أنا وأخواتي ناكل مصارينه
يعني أمي مش ملطشة ولا عيالها هفء .
..أمي ما راحتش مدارس ورغم كده
علمت نفسها القراية
فـ بتعرف هي بتمضي على أيه ..
وعارفة الفرق بين الأنقلاب والثورة
مافيش يوم غلت عليا فيه حضنها .
ولا بتشحت عليا من ورا ضهري ..
وتضرب الفلوس فـ جيبها
فأعيش أنا مديون لناس ..
لا أعرفها ولا يعرفوني
مستحيل فـ يوم تبيع حد من ولادها ..
لا برضا ولا غُصبانية
لو حد قال أنها أُم الدُنيا هـ تزعله ..
أو أقله تخرم له عينيه .
أمي عيالها مش أغبيا ولا متخلفين ..
أمي عيالها مش جهله
ولا حد فينا رمى على وشها ورقة ..
أو دس كيس زبالة تحت باطها
أمي ما فرطتش فـ جسمها أو أسمها
عشان كل ده و حاجات تانية كتير ..
أمنع أي حد يقول لي الكلمة دي
ولو أي شخص مش عاجبه ..
أو مُعترض الكلام ده
فـ هأكون سعيد جداً وأنا بأقول له :
مـصـر هـي أُمـك
03:30 Posted in الدفتر | Permalink | Comments (5) | Email this
31/05/2006
الودان
مش عارف ليه حاسس أني لو كتبت هـ أكون كاتب كويس
وبما أني بأصدق أحاسيسي بشكل كبير ... يبقى لازم أكتب .
وبما أني نويت أكتب يبقى لازم ألاقي موضوع أكتب عنه
ممكن أكتب عن أيه ؟ .. أكتب عن أيه ؟
أه ممكن أكتب عن الودان .. أيوه هي الودان ..
والله العظيم مش تورية ودااااااااااااااااااان
مالها الودان
ده حتى الودان - ولا مؤاخذة - عضو مُهم للشخص مننا
-باعتبارنا شوية أشخاص -
مش مجرد عضو
ده عضو مسئول عن حاسة
- طبعاً السمع -
ودي حاسة مافيش شخص بيوقفها بمزاجه
ولو للحظات
- عمرك سمعت عن حد بيغمض ودانه ؟ -
مسئول كمان - العضو ده - عن الاتزان العام للشخص ..
يعني عضو محتاج - ويستحق - عناية خاصة
ومع ذلك فهو طول الوقت مقلب الحواس
فـ الشخص طول الوقت بيسمع .. سب دين / كلاكسات /
أغاني وحشة / نكت بايخة / مواضيع تافهة /