« رمضان بيحب أيه ؟ | HomePage | فلوس ميتة »
20/11/2006
دعوة للمليطة 1
تجمع أحنا أتفشخنا يوجه دعوة للمليطة
دعوة لكل عاطل أو أب مش قادر يوفر قوت اسرته اليومي
لكل أم قربت تسلق لعيالها زلط
خدوا بالكم الدعوة دي مختلفة.. لأنها مش للتظاهر أو الأعتصام أو حتى الإضراب
إنما هي دعوة لممارسة يومكم عادي جداً
يعني اللي رايح يقعد على القهوة يروح
واللي نازلة تزور خالتها وقت العذا عشان تضمن وجبة ليها ولعيالها تروح
واللي بيفرك على جوان ينسيه عجزه يفرك
..المهم أن كل شخص فينا وهو بيقضي يومه عادي جداً
وفي أي مشوار ينزل فيه الشارع ياخد معاه طبق فاضي ومعلقة
يخبطهم في بعض طول ماهو ماشي
فـ تبقى الست الست وهي بتزور خالتها واضحة وصريحة
.واللي عايز يتكيف يلاقي حاجة يلف فيها
عايزين نتفق سوا على اليوم ده وأيه الاشكال التانية اللي ممكن نعملها
أمتى يكون اليوم ده بالظبط، وأيه الاسامي المقترحة لليوم
زي ثورة المواعين أو أغرف لي لو سمحت
أقترحوا وأتفقوا ويلا ننزل الشوارع بأطباقنا الفاضية / المهجورة
:ملحوظة
ماحدش يتحرك في تجمعات أو يهتف
مش عايزين ندي للعسكر أي فرصة يحتكوا بينا
أمشوا عادي جداً.. أعملوا كل حاجة طبيعي خالص
.الحاجة الوحيدة المختلفة هي التخبيط بالمواعين
01:05 Posted in الدفتر | Permalink | Email this
Comments
This is by far the funniest thing I've ever read... but what an amazing idea! Its simply genius! I especially loved the "thawret el mawa3een" sloggon! Count me in... this might just work...
Posted by: Adham | 20/11/2006
حلو موت اسم ثوره المواعين
ههههههههههههههههههههههههههههههههههههههههههه
جديده جدا
انا معاك يا ريس رغم انى متأكد ان فيه ناس برضه مش هتكتفى بالمواعين وهتهتف انا عارفهم .بس ولحد امتى مش هنحس ان المواعين كفايه
فدعونا نثق فى المواعين
Posted by: so7ab | 22/11/2006
انتا عايز تتعامل مع النظام بجرسة؟ طيب تمام جدا.........اية رأيك في اننا نتفق في يوم_زيادة علي المواعين_ ننزل مشاويرنا عادي جدا بس نمشي بضهرنا؟ ومنعا للهتافات والذي منه مفيش مانع من حتت بلستر لذيذة عالبق
وكل تجمع من الناس يتفق علي تيمبو معين يمشي عليه منعا لانهيار الاعصاب
Posted by: رحيل | 27/11/2006
ايوه كده يا معلم عاوزين نحيي الدعوة .. صحيح أنا متوقع جدا تريقة من المحاربين القدامى و الحاجات دي بس فعلا مفيش حل غير المليطة وثورة المواعين والبلالين والعدس وادي كمان فكرة كتبها رحيل ..نمشي بضهرنا ليه لأ ..
Posted by: CAESAr-DIABLo | 05/12/2006
طيب يا جدعان قشطة
يلا بقى نتفق على اليوم والتفاصيل عشان الحدوتة ما تنامش
والموضوع يبرد في ايدينا
أنا أقترح يوم 1/1/2007 واسم أغرف لي لوسمحت
يلا ننشر الموضوع ونتفق ونحدد
مستني ارآءكم
Posted by: mgnon | 07/12/2006
طيب يا جدعان قشطة
يلا بقى نتفق على اليوم والتفاصيل عشان الحدوتة ما تنامش
والموضوع يبرد في ايدينا
أنا أقترح يوم 1/1/2007 واسم أغرف لي لوسمحت
يلا ننشر الموضوع ونتفق ونحدد
مستني ارآءكم
Posted by: mgnon | 07/12/2006
شفتك في التلفزيون يا باشا يا باشا
Posted by: Simsima | 10/12/2006
أيها السادة ياريت توافقوني او تعارضوني
إيه رأيُكم في يوم 1/1/2007 وفي اسم (أغرف لي لو سمحت)، وياريت حد يدلني
على طريقة التخلص من التعليقات العجيبة
مستني ردودكم
Posted by: mgnon | 12/12/2006
بصراحه يا صعلوك
في شوية تعليقات غاية في الغرابة و ملهاش دعوة بلاموضوع بلانسبة ليوم اغرفلي لو سمحت انا معاك جدا
وموافق
Posted by: assem | 13/12/2006