« كلاكيت تاني دعوة | HomePage | مبروك يا شعب...كتبوا كتاب الوطن »
13/02/2007
ومن الـ.... ما فضح
أولاً وقبل أي حوار أسف على التأخير في كتابة الموضوع ده بس البنكنوت بقى الله يحرقه
..... المهم
للمرة التانية يخاطب نادي النوبة العام الرئيس مبارك باسم كل النوبيين
راجع موضوع مش كل اللي بتهز وسطها بتتنقط
رغم أن عضويته بالكامل لا تصل لتعداد قرية واحدة من قرى النوبة البالغ عددها 44 قرية
ناهيك عن حوالي 75% من أعضائه عضويتهم ورقية
يعني مجرد اسامي في الدفاتر ومايعرفوش ميدان التحرير فين
المهم.. نشرت إدارة النادي الموقرة -من كام شهر-شكر للسيد الرئيس
في الصفحة الاولى من جريدة المساء
في شكل متعارف عليه انه بيكون إعلان مدفوع الاجر
....الكوميدي في الموضوع
إن الإعلان كان رد على تصريح الرئيس بأعطاء الاولوية في تملك أراضي النوبة
ويالا الكرم العجيب... للنوبيين
طيب بلاش اقول أحا عشان القراء الأخلاقيين مايزعلوش
تعالوا نقول كلام تاني أكثر تأدباً وتوضيحاً
أولاً: ده مجرد تصريح
والمعروف في مصر المنحوسة وخصوصاً في الربع قرن المنصرم
أن المسافة بين الوعد والتنفيذ = المسافة من بكين إلى واشنطن مضروبه في 52
ثانياً: أعتقد ان هناك فرق كبير
..بين الوعد بإعطاء الاولوية في تمليك الاراضي
وبين أصدار قرار ببدأ المشروع القومي لإعادة توطين النوبيين في اراضيهم
ويبقى المشروع تحت رعاية السيدة الفاضلة سوزان مبارك
وفلوس الفاو تطلع وكلها ترزق.. مافيش مانع... قشطة يعني
يأخي أعتبرونا أطفال أو نسوان أو حتى درن أو حتى ساوونا بختان الإناث
ولا لازم أطلع في التلفزيون اقول انا اقرع وأسود ومتهجر وعاوز جنيه؟
ثالثاً: يا سيادة إدارة النادي المبجلة
على فرض ان ليكم الحق في الكلام باسم كل ابناء النوبة وتوجيه الشكر نيابة عننا
كان من باب اولى أشكروا الناس اللي اثارت القضية
وجريوا في كل مكان قدروا يوصلوا له لغاية ما بدءوا يحرجوا الشلة الحاكمة
وخلوها تاخد رد الفعل البسيط ده
الناس اللي أتُهموا بعدم الولاء لوطنهم عشان بيدافعوا عن حقوقنا كلنا
واحد زي حجاج ادول اللي دار يصرخ ويفضح النظام في كل منبر يقدر يوصل له
في مغامرة بكل تاريخه ومكاسبه الشخصية المحدودة
وبنوتة جريئة زي سمر نور اللي غامرة هي كمان بس بمستقبلها
لما نشرت فضيحة المليار وال350مليون بتوع الفاو المخصصين لإعادة توطين النوبيين وإعمار النوبة
وأكيد في ناس تانية أنا ما اعرفهاش شقيت وخاطرت في سبيل حقوقنا المهدورة عمداً
ده حتى ماهر حبوب -مع أحترامي الفائق ليه- اللي ما اعرفش عن دوره غير نشره للأحداث والمقالات... الخ إلى اكبر عدد ممكن من الناس
أولى بالشكر ألف مرة من مبارك اللي اصدر وعد هزيل يقدر يتراجع عنه زي وعوده الكتير
لكل الشعب المصري بدون مايكلف نفسه عناء الأعتذار او حتى التبرير
وسلم لي على الأنتخابات والحزب الوطني وعرايس الماريونت وأكلي الفتافيت
19:45 Posted in الدفتر | Permalink | Email this
Comments
يا مصبر الوحش على الجحش
اصبر يا أخي ..... انا اعتقد ان فرج قريب من الله و عندي احساس ان 2007 هو عام أخير في الربع قرن
نريد حكومة تمثل شعبا و لة فيها رأيا
Posted by: الحصان الاسود | 14/02/2007
على فكرة انا قريت معظم موضوعات البلوج وعجبني كثير منهم جدا
ربنا يوفقك
وعلى فكرة مش بس ابن القائد قائد و ابن البقال بقال و بنت الشرموطة بتتفرش ولكن الاهم من دة كلة ان إبن الكلب كلب
وخللي بالك ان كل القضاة ابنائهم وكلاء نيابة
يعني المحكمة ماتفرقش عن دكان البقالة
وصاحب الدكانة بيوقف ابنة في الدكانة برضة
يعني الفن يورث والمناصب العسكرية تورث و الوظائف الحكومية من جمارك لضرايب ل مالية تورث
بجد أحا
Posted by: الحصان الاسود | 14/02/2007