أوراق من دفتر صعلوك : دعوة 2 للمليطة

25/03/2007

بمناسبة كتب كتاب الوطن قررت انا صاحب الدفتر صعلوك

ومسؤل العلاقات الخارجية والداخلية والمهلبية لتجمع احنا اتفشخنا المعارض

أن أدعو أهل هذا الوطن في المشاركة في حالة مليطة أحتفالاً بكتب كتب وطننا العزيز

وليكن تاريخ هذه الحالة من المليطة

هو نفس يوم الأستفتاء على الدستور

يوم 26/3/2007 يعني بُكره

وليكن اسم اليوم ده أحنا اتنفخنا

وكل المطلوب في اليوم ده اللي اتمنى أن يشارك فيه عدد كبير من الناس المنفوخة

المطلوب ان كل إنسان يمارس يومه بمنتهى الطبيعية

بس الأختلاف الوحيد أنه يعبر عن مدى ما وقع عليه من نفخ من هذه الشلة الحاكمة

مش بالهتاف او التظاهر او اي وسيلة مواجهة مباشرة مع كائنات الأمن المركزي

أنما بأن كل شخص يشيل معاه عدد من البلالين المنفوخة بالطبع

وعلى قد ما سيادتك منفوخ أنفخ بلالين أمشي بيها في الشارع وبدون أي دوشة غير فرقعة البلالين

خلي العالم كله يعرف قد ايه احنا أتنفخنا

وأبقي خلي كائنات الامن المركزي يبدلوا العصيان والقنابل المسيلة للدموع... بالدبابيس

والله فكرة حلوة أوى. تحياتى ليك و لمدونتك. سنفرو

Posted by: Seneferu | 03/04/2007

واااااااء
انا كنت محبوووس
كنت نفسي امليط .. عاوزين نتفق علي تالت يوم للمليطة بقى

Posted by: CAESAr-DIABLo | 10/04/2007