« الأست فتاء | HomePage | التركة المباركة.. والفرحة المؤقتة »
27/03/2007
..لو لم أكن مصرياً
الله يرحم مصطفى كامل
المناضل القديم مؤسس الحزب الوطني
بتاع لو لم اكن مصرياً
لو عاش ليوم 26 مارس2007
وشاف أتوبيسات المصالح الحكومية
وهي بتنقل الموظفين من مكاتبهم للجان الأنتخاب
للتصويت بالعافية على تعديلات الدستور من سيء إلى اسؤ
وشاف جنود الامن المركزي في مصر
بيطاردو أي مواطن يعلن مقاطعته لتمثيلية الأستفتاء
ومحاصرة مقار الأحزاب المعارضة
رغم أنها أحزاب اليفة أصلاً ومتعاونة أحياناً
لو شاف شباب مصر وهمة بيتخطفوا من الشارع في عز الضهر
ويترموا في الصحرا عشان يتربوا ويبطلوا يعترضوا على أي حاجة تاني في حياتهم
لو مصطفى كامل شاف كل ده بيحصل في مصر
في نفس اليوم اللي بيسلم فيه ولد فال قائد الانقلاب العسكري المروتاني
السلطة طواعية إلى الرئيس المنتخب من قبل الشعب المروتاني
في انتخابات لم يرشح فيها ولد فال نفسه
في سابقة هي الأولى من نوعها في الشرق الاوسط
..وقبل أن يترك ولد فال منصبه
مرر قانون جديد وبموافقة المجلس العسكري
يعطي أمتيازات توازي الوزراء لقائد المعارضة
لأنه حصل على نسبة من أصوات الشعب
في مبادرة اعتقد انها عالمية
أكيد لو عم مصطفى كامل حضر اليوم ده
كان عدل مقولته التاريخية وخلاها
لو لم اكن مصرياً لوددت أن أكن موريتانياً
وسلم لي ع الريادة
17:45 Posted in الدفتر | Permalink | Email this
Comments
وانا كمان
Posted by: brokenheart | 29/03/2007
حاجة تكسف فعلا...واللي يضايق اكتر انه في القمة العربية محدش اهتم بالراجل الوحيد اللي شعبه اختاره من بين الشعوب العربية كلها
وقال ايه..القذافي كان بيرمي كلام عليهم
Posted by: واحد زهقان | 16/04/2007
دي عالم بتتلافاه يا مولانا
Posted by: شخص | 25/06/2007
i like your blog very much
i have one question for you.why are your writing so rare , 2 in one year.
do you write in another blog? if so , why don't you put a link to it ?
cheers
Posted by: starfish | 16/03/2008