أوراق من دفتر صعلوك

مروة الشربيني إنسانة مصرية فقدت حياتها بسبب العنصرية
والتمييز الديني تحديدًا لكونها مسلمة محجبة
لكنها لم تنال شرف تضامن العديد من الجروبات اللي رافعة شعارات
العلمانية والحرية والإنسانية ولو ببيان كما كان هيحصل طبعًا
إذا كانت الضحية غير مسلمة والعنصري القاتل مسلم

وأكثر من لفت نظري المنظمة المصرية لمناهضة التمييز
اللي هي حركة شباب ضد التمييز
اللي همة محترفين تضامن مع أي حاجة في أي حتة
ياترى ده بسبب إيه
 معقولة ماوصلش خبر الموضوع للقائمين على المجموعة؟
ولا مافيش أوامر بالتضامن مع المصريين لو كانوا مسلمين؟

ليه ماشفناش المناضلين بيتظاهروا أمام نقابة الصحفيين
أو حتى سوق الحاميدية من أجل دماء الشهيدة المصرية
ولا أكمن القاتل فاشي  أماني مش مناضل فلسطيني تابع لحماس

 التظاهر ضد حماس وقت الحرب من أجل دماء الشهيد المصري
والطناش التام عن دماء الشهيدة المصرية
معادلة مش مفهومة بالنسبة لي خصوصًا لما يبقى
أحد الأضلاع الأساسية في المجموعة بيقول إنه قومي عربي
وسلامي لناصر في قبره وللمصالح باسم أي حاجة
ولماما وخالو وكل الأهل والأحباب
وسلام خاص للقناة السادسة