أوراق من دفتر صعلوك

بعد مهزلة تعديل المادة 76 والخاصة بتفاصيل ترشيح رئيس للجمهورية المصرية

... لم يعد هناك من يعد هناك من يستطيع أن ينكر أن الشلة الحاكمة و المسماه بالحزب الوطني بتتمرقع

.. أيوه هو ده التوصيف الوحيد المناسب للحالة العجيبة دي ، واللي مش عارف يقرا ويعرف

أو زي ما بنقول بالبلدي : اللي ما يشتري يتفرج

مبارك يصدر أوامره بتعديل المادة 76 من الدستور المصري والخاصة بضوابط الترشيح لمنصب رئيس الجمهورية حتى يسمح لآخرين بترشيح أنفسهم للمنصب الرئاسي معلناً بذلك نهاية عصر الاستفتاءات وتاريخنا المجيد مع نعم / لا

. عاش مبارك قائد ثورة تعديل المادة 76 من الدستور

.. وهكذا صار تعديل مادة من الدستور ثورة لها قائد عظيم تفرد له اللافتات في الشوارع ، ولا عزاء لـ

. تجتمع لجنة من - السلطة التشريعية – لصياغة مشروع التعديل ، وأعضائها من كوادر الحكومة والحزب أو الموالين على أقل تقدير

:تصدر التعديلات بعد موافقة مجلسي الشعب والشورى عليها لتقول

على المرشح المستقل الحصول على توقيع 250 عضو من المجالس المنتخبة (شعب / شورى/ محليات) منها 65 عضو من مجلس الشعب

. تحديداً و 25 من الشورى

يستثنى من هذه التوقيعات – ولهذه الدورة فقط – مرشحي الأحزاب ، ولكن يتعين عليهم في الدورات المقبلة الحصول على توقيع 5 % من

. أعضاء الشورى 9 مقاعد ونسبة مماثلة من مجلس الشعب حوالي 25 مقعد

. علماً بأن أكبر تكتل معارض يمثله في البرلمان المصري 15 عضو فقط أما في الشورى فكل من يمثل المعارضة هو عضو واحد فقط

. وهكذا يتضح لنا مما سبق أن الحكومة بتشتغلنا وفي رواية أخرى بتتمرقع علينا

قال الناس قديماً : لا يفل الحديد إلا الحديد

.......... يبقى أفضل طريقة نواجه بيها المرقعة الحكومية أننا نعلن حالة المليطة الشعبي

يعني نفُكنا بقى من كلام السياسة العريض ونقلبها لهم مراجيح

. الصحفيين يكتبوا بالعامية – على قد ما يقدروا – ويتكلموا في كل نايبة .. من أول طفح المجاري لغاية دمنا اللي مالي بنوك أوروبا

. أما رسامين الكاريكاتير فعيب جداًُ أن أي حد يوصيهم

..المظاهرات و الاعتصامات وخلافه

تعالوا نخلي قدام عينينا دايماً شعار الدين لله والمليطة للجميع

الشلة الحاكمة دلوقتي ما ياكُلش معاها المظاهرات الصامتة ومسيرات الشموع والوقفات الاحتجاجية
الناس دي لازم نتحزم لهم وننزل لهم المظاهرة بالصاجات ، أيوه تعالوا نكتب أغاني عن كل حاجة وجعانا
الجوع / الحرية / الفقر / البطالة / العنوسة / الأقليات / المواصلات / ... الخ
ونلحنها على السقفة وننزل بيها الشارع

حتى الناس ممكن يتم الإعلان عن يوم ويضرب فيه كل الناس بمب وماحدش يروح الشغل أو الدراسة بس الشعب كله ينزل يتفسح

. ممكن كمان اليوم اللي بعده الشعب كله يقعد في البيت .. وهكذا لغاية ما يلاقونا في يوم نزلين الشوارع بالمايوهات وشماسي البحر

. وإن كانوا همة محترفين تفصيل قوانين فإحنا شعب غاوي مليطة

أيام سودة عاشها سكان القاهرة احتفالا بوصول السيد " بوتين " رئيس دولة روسيا الصديقة
فلا أحد يستطيع الذهاب إلى أي مكان ، فكل الطرق لا تؤدي إلى روما أو أي حتة من أصله
عساكر الأمن المركزي أكتر من البشر .. لدرجة أن أحد الغير قادرين على المرور قال : طب بدل ما يلغوا الدعم وموتونا من الجوع ما يقفلوا الأمن المركزي ده ويوفره فلوسه
رديت عليه واحدة - ممنوعة من المشي زيه - : أو يصدروهم لبلاد بره .. منهم يدخلوا للبلد دولارات
ومنهم يخلوا أسمنا بنصدر حاجة
طب وشعار " صنع في مصر " نلزقهلهم فين ؟